English Nodau ac Amcanion
Mae nodau ac amcanion allweddol GGE yn ymwneud yn bennaf â gwella dewisiadau trafnidiaeth o fewn Eryri. Fodd bynnag, mae cysylltiad naturiol rhwng twristiaeth a’r economi, a fydd ill dwy mewn lle i elwa o welliannau i drafnidiaeth a mynediad i’r rhanbarth.
Trafnidiaeth:
NOD: 1. Sefydlu system drafnidiaeth integredig sy’n effeithiol ac yn effeithlon:
Amcanion:
- Cydgysylltu system lwybrau bws sy’n canolbwyntio ar y cwsmer gan ddiwallu anghenion defnyddwyr awyr agored.
- Amserlenni bysiau a threnau i fod ar gael ar lein ac yn y prif ganolfannau a lleoliadau.
- Gwybodaeth am barcio a diweddarir yn gyson i fod ar gael ar lein.
- Lleoliadau meysydd parcio sy’n gysylltiedig â gwasanaethau Sherpa i fod ar gael ar lein.
- Gwybodaeth amser real am fysiau i fod ar gael yn y prif arosfannau bws a chyfnewidfeydd, a hefyd ar lein.
- Sicrhau bod gwybodaeth ar gael ar lein am y prif atyniadau, canolfannau a lleoliadau i ymwelwyr, a chysylltiadau â llwybrau bysiau.
- Gwybodaeth i fod ar gael ar lein sy’n cysylltu bysiau â’r prif safleoedd gwersylla a hostelau.
NOD: 2. Lleihau dibyniaeth yr ymwelwyr ar y car modur preifat fel modd i deithio i’r ardal ac o’i chwmpas.
Amcanion:
- Datblygu cyfnewidfeydd effeithiol.
- Datblygu cynlluniau parcio a theithio.
- Hyrwyddo cysyniad y dref borth.
NOD: 3. Gwella cyfleusterau parcio.
Amcanion:
- Cadw mannau parcio o fewn meysydd parcio pwrpasol dan reolaeth sydd wedi’u tirlunio a rhannau afraid o’r briffordd sydd mor agos ag sy’n bosibl i fannau sydd dan bwysau.
- Mewn rhai amgylchiadau, ehangu’r cyfleusterau presennol yn unol â’r polisïau cynllunio perthnasol.
- Ailstrwythuro’r cyfleusterau presennol yn bennaf, ynghyd â gwaith tirlunio a wynebu priodol gyda chysylltiadau pwrpasol i gerddwyr a thrafnidiaeth gyhoeddus â mannau cerdded a chyrchfannau poblogaidd lle nad ydynt yn bod ar hyn o bryd.
- Mesurau i atal parcio ar hap mewn lleoliadau sy’n achosi perygl i yrwyr, cerddwyr a beicwyr wrth iddynt fynd heibio.
NOD: 4. Datblygu rheolaeth effeithiol ar draffig.
Amcanion:
- Darparu gwell gwybodaeth am fannau parcio sydd ar gael, lleoliadau a chysylltiadau â gwasanaethau Sherpa a mannau cerdded.
NOD: 5. Gwella ac ehangu’r rhwydwaith beicio a cherdded.
Amcanion:
- Datblygu Cylchdaith yr Wyddfa – llwybr lefel isel o gwmpas yr Wyddfa, yn cysylltu Nant Peris, Pen-y-Pass a Phenygwryd â Beddgelert.
- Datblygu Lôn Gwyrfai rhwng Caernarfon a Beddgelert drwy Waunfawr a Rhyd Ddu. Bydd hon yn cysylltu â Rheilffordd Ucheldir Cymru.
- Datblygu llwybrau cymunedol rhwng Betws-y-coed a Dyffryn Conwy, Dolwyddelan, Penmachno, Capel Curig.
- Ymestyn Lôn Las Ogwen a’i chysylltu â chymunedau anghysbell.
- Datblygu Llwybrau Beicio Cenedlaethol ar hyd yr arfordir, yn enwedig y rhannau i’w gwella a gynigiwyd ar gyfer Llandudno ac aber Conwy.
- Gwella’r ddarpariaeth o lwybrau beicio a cherdded o gwmpas Llanberis i sicrhau bod Lôn Las Peris yn cysylltu â chymunedau lleol gyda gwell dewisiadau o ran trafnidiaeth gynaliadwy o gwmpas Llyn Padarn.
- Cynlluniau tymor hir i ddatblygu llwybr hamdden i’w ddefnyddio ar y cyd ar hyd trac y rheilffordd rhwng Blaenau Ffestiniog a Thrawsfynydd.
- Cynlluniau lleol ar gyfer llwybrau llechi a threftadaeth cymunedol.
Mae’r holl lwybrau hyn yn cael eu datblygu fel eu bod yn ymgysylltu â thrafnidiaeth gyhoeddus, a chyfleusterau parcio mewn mannau strategol, sy’n cynnig dewis o drafnidiaeth ac yn gwella ansawdd a diogelwch y teithiau drwy Ogledd Eryri. Mae’r llwybrau hyn yn cynnig modd hefyd i gysylltu’r gwahanol gymunedau, fel bod llai o ddibyniaeth ar y car modur preifat a bydd darpariaeth storio beiciau ar gyfer pob un mewn mannau strategol.
NOD: 6. Marchnata gwasanaeth bws Sherpa yn effeithiol.
Amcanion:
- Cynhyrchu cyfres o daflenni i hyrwyddo teithiau cerdded llinellol gydag amserlenni bws hawdd eu darllen.
- Dosbarthu’r taflenni a’r amserlenni i fusnesau yn y Parc Cenedlaethol a’i gyffiniau.
- Cynhyrchu taflenni i ddangos sut i gael mynediad i Eryri ar drafnidiaeth gyhoeddus o gylch ehangach.
- Cyflwyno rheseli ac arddangosiadau gwybodaeth ar y bysiau ac mewn canolfannau croeso a hostelau ieuenctid.
- Cyflwyno cynlluniau disgownt a thalebau mewn cysylltiad â thaliadau meysydd parcio.
- Creu cysylltiadau ar gyfer hyrwyddo gyda busnesau lleol.
- Brandio’r holl gerbydau Sherpa yn glir.
- Eu hyrwyddo ar wefan GGE.
Twristiaeth a’r Economi:
Mae’r sector gweithgareddau awyr agored yn dod â £60 miliwn i economi Eryri, ac mae pob punt a warir ar weithgareddau awyr agored a llety’n creu £0.76 ychwanegol i’r economi leol. (The Active Economy, Snowdonia-Active 2004)
NOD: 1. Datblygu a rheoli twristiaeth a gweithgareddau hamdden yng Ngogledd Eryri.
Amcanion:
- Integreiddio gwasanaethau trafnidiaeth â’r prif atyniadau i ymwelwyr, gan sicrhau bod gwasanaethau bws yn cyd-daro ag amseroedd agor a chau.
- Sicrhau bod gwybodaeth am amserlenni ar gael ac wedi’i hysbysebu ym mhob un o’r prif atyniadau a Chanolfannau Croeso, etc
NOD: 2. Gwella profiad yr ymwelwyr.
Amcanion:
- Darparu gwell gwybodaeth am y mannau parcio sydd ar gael, lleoliadau a chysylltiadau â gwasanaethau Sherpa a mannau cerdded.
- Rhestru’r holl wybodaeth am amserlenni bysiau a threnau ar wefan GGE.
- Datblygu strategaeth gyfathrebu glir i hyrwyddo holl waith GGE.
NOD: 3 Cynyddu mewnbwn twristiaeth i’r economi leol.
Amcanion:
- Cadw darpariaeth parcio di-dâl lle y mae angen diwallu anghenion o ran adfywio economaidd (e.e. Bethesda).
- Mannau parcio cyfnod byr am bris rhesymol i hybu trosiant uchel yn nifer y ceir lle y maent yn gysylltiedig â busnesau lleol (codir tâl rhesymol yn yr ardaloedd craidd).
NOD: 4. Diogelu a gwella amgylchedd unigryw’r ardal.
Amcanion:
- Hybu trefi porth fel mannau parcio er mwyn peidio â chael niferoedd mawr ac amlwg o gerbydau wedi’u parcio ar ochrau ffyrdd yn y Parc.
- Darparu gwybodaeth ymlaen llaw am fannau parcio er mwyn lleihau nifer y cerbydau sy’n mynd drwy’r Parc.
NOD: 5. Darparu cyfleoedd tymor hir ar gyfer cyflogaeth a datblygu economaidd.
Amcanion:
- Darparu cyfleoedd i bobl wario’n lleol a dod â mwy o fudd i’r economi leol o dwristiaeth.
- Cysylltu cyfleoedd i deithio â busnesau ac atyniadau lleol.