English Goriad Gwyrdd Eryri - Parcio
Parcio Rhwydd yn y Parc Cenedlaethol
- Ar adegau
prysur, bydd hi’n llai o straen parcio
mewn Maes Parcio Goriad Gwyrdd a dal bws y Sherpa i’r lle rydych yn bwriadu
cychwyn eich taith. Trwy wneud hynny, byddwch yn osgoi’r anghyfleustra o geisio
chwilio am le parcio yn agos at eich man cychwyn.
- Cyn mynd
i’ch car, defnyddiwch yr adran Lle i Barcio ar y we
fan hon er mwyn dod o hyd i
faes parcio sy’n addas ar gyfer eich taith.
- Cofiwch
barcio yn gyfrifol. Mae’r ffyrdd cul yn rhan hanfodol o fywyd dyddiol y bobl sy’n byw ac yn gweithio yn y Parc.
- Ni fydd
parcio anystyriol sy’n creu rhwystr ar ochr y ffyrdd, ar y ffordd ei hun, neu o
flaen giatiau byth yn boblogaidd. Efallai mai chi fydd angen cerbyd y
gwasanaethau argyfwng!
- Bydd y
newidiadau newydd yn y gyfraith yn golygu bod parcio anghyfreithlon o fewn y
Parc Cenedlaethol yn cael ei orfodi yno gan yr awdurdod lleol, a byddwch yr un
mor debygol o dderbyn tocyn parcio a dirwy ag y byddwch mewn unrhyw le arall.
- Nid yw
parcio mewn mannau sydd heb eu dynodi byth yn syniad da. Mae’n ddigon hawdd
difrodi ymylon y ffyrdd a chred rhai pobl bod parcio ar ymyl y ffordd yn cael
effaith weledol niweidiol.
- Lle bo’n
bosib, gellwch rannu car a lleihau’r angen am leoedd parcio.
- Pam na wnewch chi adael eich car yn y lle yr ydych yn aros a dal bws y Sherpa o’r safle bysys agosaf?
|
|
|
|
Mae Parc Cenedlaethol Eryri, ac yn fwyaf arbennig y sector
gogleddol, sy’n cynnwys ucheldir y Carneddau, y Glyderau ac Eryri, yr un mor
boblogaidd ag erioed ag yn dioddef o bwysau cynyddol gan ymwelwyr. Caiff hyn
effaith nid yn unig ar y mynyddoedd eu hunain ond hefyd, ar adegau prysur, gall
achosi tagfeydd a phroblemau parcio o fewn ac o gwmpas y Parc.
Er mwyn sicrhau y bydd yr ymwelwyr, sy’n cyrraedd mewn car
gan mwyaf, yn parhau i gael mwynhad, mae’n rheidrwydd modern erbyn hyn i
hyrwyddo rhwydwaith cludiant integredig, effeithlon, mewn ymdrech i leddfu llif
y cerbydau o fewn y Parc, heb ddifetha’i rinweddau arbennig.
Felly, mae parcio yn elfen allweddol o Strategaeth Goriad
Gwyrdd, yn ogystal, efallai, a bod yr un mwyaf cynhennus. Y bwriad yw:
- Rheoli
parcio presennol o fewn meysydd parcio ac ar rannau segur o’r briffordd sydd
wedi eu dynodi ac sy’n cael eu rheoli ac sydd wedi eu tirlunio.
- Peidio
hyrwyddo adeiladu cyfleusterau parcio mawr newydd yng ngogledd Eryri.
- Parhau
gyda’r dulliau parcio diogel presennol ac a fu’n dderbyniol yn hanesyddol.
- Lle bo’n briodol, ymestyn y cyfleusterau sy’n bodoli.
Lle bo’n bosib, yn ddelfrydol, bydd meysydd parcio wedi eu
cysylltu â llwybrau troed, llwybrau beicio, cyfleusterau cludiant cyhoeddus,
megis parcio a theithio ac atyniadau mewn pentrefi/ ar gyfer twristiaid. Yn ei
dro, bydd hyn o fudd i ddatblygiad economaidd.
Agwedd bwysig o’r strategaeth yw annog defnyddwyr ceir i
dderbyn y syniad o leihau eu dibyniaeth ar geir modur er mwyn teithio o gwmpas
y Parc trwy ddefnyddio dulliau teithio eraill, megis parcio a theithio. Golyga
hyn, nid yn unig llai o draffig yn y Parc ond hefyd, y bydd yn hawdd cyrraedd
lleoliadau poblogaidd sy’n ddeniadol i ymwelwyr, megis Bwthyn Ogwen a Phen– y –
Pas, pan fydd meysydd parcio’r ddau le yn llawn.
Bydd codi ymwybyddiaeth o’r gwasanaeth hwn ac annog hyder trwy ddarparu’r wybodaeth a’r cyngor cywir yn hanfodol er mwyn cyflawni’r nod.
|
|
 Fedrith parcio wrth ochr y lon edych yn hyll
|