English Goriad Gwyrdd Eryri - Cerdded
Mae Goriad Gwyrdd Eryri yn gweithio tuag at ddatblygu ac
agor rhwydwaith o lwybrau cerdded
strategol ar gyfer gogledd Eryri, fydd yn ei gysylltu â’r rhwydwaith eang o
lwybrau sydd yno’n barod yn ogystal â chynnal a chadw’r cyfleusterau presennol.
Bydd y prosiect yn cynnwys sefydlu llwybrau craidd er mwyn cysylltu trefi a
phentrefi allweddol, fydd yn eu tro, yn rhan annatod o’r system drafnidiaeth
integredig sy’n cael ei sefydlu. Ers yr ymgynghoriad cychwynnol, bu cefnogaeth
gref i ddatblygu rhwydwaith lefel isel o goridorau o gwmpas Eryri ar gyfer
cerddwyr, beicwyr a rhai sy’n marchogaeth.
- Cylchdaith yr Wyddfa - llwybr cerdded lefel isel o gwmpas yr Wyddfa; yn cysylltu Nant Peris, Pen-y-Pass a Phenygwryd.
- Partneriaeth Llwybrau’r Ucheldir;
- Lôn Gwyrfai rhwng Caernarfon a Beddgelert drwy Waunfawr a Rhyd Ddu. Bydd hon yn cysylltu â Rheilffordd Ucheldir Cymru;
- Teithiau Nant Conwy, llwybrau cymunedol rhwng Betws-y-coed a: Dyffryn Conwy, Dolwyddelan, Penmachno, Capel Curig;
- Cysylltu Capel Curig â Lôn Las Ogwen yng Ngwern Gof Uchaf;
- Cysylltu’r Benglog (Ogwen Cottage) â Gwern Gof Uchaf, Ogwen;
- Cwblhau Lôn Las Ogwen drwy ddatblygu’r darn coll rhwng Tregarth a Felin Fawr, a darparu’r cyswllt hollbwysig â Bethesda.
- Gwella’r ddarpariaeth o lwybrau troed a llwybrau beicio o gwmpas Llanberis i sicrhau bod Lôn Las Peris yn cysylltu â chymunedau lleol a bod gwell dewisiadau o ran trafnidiaeth gynaliadwy o gwmpas Llyn Padarn.
- Gwella’r llwybr troed lefel isel ar hyd Dyffryn Mymbyr (gwaith gan yr Ymddiriedolaeth Genedlaethol yn mynd rhagddo).
- Cynlluniau tymor hir i ddatblygu llwybr hamdden i’w ddefnyddio ar y cyd ar drac y rheilffordd rhwng Blaenau Ffestiniog a Thrawsfynydd.
- Cynlluniau lleol ar gyfer llwybrau treftadaeth a llwybrau llechi cymunedol.
Cliciwch yma am manylion ar llwybrau cerdded yn yr Eryri.
Cliciwch yma i gweld mapiau mynediad i gefn gwlad; Cyngor Cefn Gwlad Cymru