Mae’r Cyngor Mynydda Prydeinig wedi rhyddhau datganiad ar ei wefan mewn ymateb i’r trychinebau ar yr Wyddfa’n ddiweddar. Mae’r datganiad yn amlygu’r sgiliau pwysig sydd eu hangen i reoli’r peryglon sy’n codi. “Mae rhai o’r sgiliau’n rhai technegol ond mae barnu a phenderfynu’n gytbwys yr un mor bwysig. Mae’n cymryd amser i fagu’r sgiliau hyn”
Daw hyn ar ôl cais taer gan y timau achub mynydd lleol i bawb gadw draw o’r mynyddoedd yn y tywydd garw os nad ydyn nhw’n fynyddwyr profiadol gyda bwyeill eira a chramponau, ac yn gwybod sut i’w defnyddio.
Mae’r mynyddoedd yn ddeniadol a hardd yn y gaeaf, ond, meddai’r Cyngor: “Er ei bod yn gymharol hawdd cyrraedd mynyddoedd Eryri yn yr haf a’r gaeaf mae’n bwysig serch hynny cofio fod y tirwedd mor arw ag ar unrhyw un o fynyddoedd ynysoedd Prydain.”
Rhai o’r pwyntiau y mae’r Cyngor yn eu hystyried yn arbennig o bwysig yw:
